பெற முடியாதது

பிஞ்சுக் கன்னத்தில்
பதிந்த விரல்கள் விம்முகிற குழந்தையிடம்
கேட்டுக் கொண்டிருந்தேன்
எப்போதும் பெற முடியாத மன்னிப்பை

அடுக்குமாடி முத்தங்கள்

அங்கே ஒரு முத்தம்

இங்கே ஒரு உதடு 

அதற்கும், இதற்கும்

எட்டாத  இடைவெளி

அங்கே ஒரு முத்தம் பறக்க ஆரம்பித்தவுடன்

இங்கே ஒரு உதடு ஈரமடைந்து விடுகிறது

வலியெனப்படுவது

சொல்ல நினைத்ததை

 சொல்லத் தயங்கித்  

துடிக்கும்   உதடுகள் .

உறவுகள்

பிரியும் தருணம்  

விலகும்  பெருமூச்சு.

அருந்திய விஷக்கோப்பையில்

  மீந்திருக்கும்

 .இரு கண்ணீர்த்துளிகள்.

இல்லையென்று  விரிக்கும் கரங்களில்

ஒட்டி  கொண்டிருப்பவைகள்

இருக்கிறதென்று

தேடும் போது

விட்டு விலகுபவைகள்.

புழுவைப் போலவே, புழுவின் தடத்தில்

சிறு எறும்புகள் சேர்ந்து

ஊர்ந்து செல்கிற புழுவைச்சாய்க்கின்றன.

கவிழ்ந்தபுழு  இறந்தது போல

சுருண்டு நடிக்கிறது.

விடாது எறும்புகள்

மொய்த்துக் கொல்கின்றன

புழு வேதனையில்

புழுவாய்த்துடித்துச் சாகிறது

கண்களுக்குத் தெரியா

எறும்புகளின் வாய்கள்

புழுவின் தசைகளை

அரித்துத் தின்கின்றன

பிறகு

கருணையின் தூதுவர்கள் போல்

எறும்பின்சாரைகள்

புழுவைப் போலவே, புழுவின் தடத்தில்

ஊர்ந்து செல்கின்றன

இன்னொருபுழுவைத்தேடி

 

நன்றிதிண்ணை .காம்

வைக்கோல்கன்று

முலைக்காம்புகளில் பால்துளிர்க்க
பிரசவ மயக்கம் கலைந்தெழும் தாய்க்கு 
எப்படிச்சொல்வேன் ?
பஞ்சு வைத்து தைத்த பொம்மையை 
உன் குழந்தையென்று 

ஒன்றுதான்

தெருவெங்கும் பூக்கள்
சவம் போயிருக்கும் என்றார் ஒருவர்
இல்லை தலைவர் வந்திருப்பார்
என்றார் இன்னொருவர்
இரண்டும் ஒன்றுதான்
என்றேன் நான்

பொற்றாமரைக்குழந்தை

தொட்டில் குளத்தில்

கைகால் உதைத்து

சிற்றலைகளை எழுப்புகிறது

ஒரு பொற்றாமரைக்குழந்தை

திரும்பிய காலை வணக்கம்

அதிகாலை நடையில்

காலைவணக்கம் சொல்லிச்சென்றவர்

சட்டென திரும்ப வந்து

மன்னிக்கவும்

என் நண்பனை போலிருந்தீர்களென்று 

என் இனிய காலைப்பொழுதின்

தன் காலை வணக்கத்தை

திரும்ப எடுத்துச்சென்றார்!

சிறு கவிதைகள் 2

நூறு பிறைகள் கண்டவர் என்றார்கள்

எப்போதாவது 

ஒருநிறை நிலாவை ரசித்ததுண்டா ?

கேட்கத் தோன்றியது.

த்ரீ ரோசஸ்

திடமானது ,

சுவையானது ,

மனமானது.

மேலும் நிபந்தனைகளுடன் கூடியது

 காதலி  தருகிற முத்தம்

ஆட்டம்

குதி காலயுர்த்தி அதன் விளிம்பில் அமர்ந்தவாறு
கன ரக சாவியொன்றை தரை மண்ணில் கிளறியபடி
களபரிசோதனையாளன்
டாஸ் வென்ற குழு முதலில்
பந்து வீச்சை தேர்ந்து எடுக்கலாம்
ஆட்டத்தின் தொடக்கதிலேயே
விக்கெட்டுகளைச் சாய்க்கலாமென்றும்
பந்து காற்றில் திசை மாறி சுழலுமென்றும்
மட்டையாளர்கள் நன்கு ஆடும் பட்சத்தில்
இக் கணிப்புகள் மாறலாம் என்றும்
தொலைக்காட்சிக்கு பேட்டி தருகிறான்
சிறியவிளம்பர இடைவேளைக்குப் பிறகு
நடக்க இருந்த ஆட்டத்தைக் காண
ஆவலோடிருந்த தருணத்தில்

ஏற்கனவே தொடங்கியிருந்தது
ஆடு களத்தில்
மழையும், காற்றும் தனது ஆட்டத்தை

சிறு கவிதைகள்

 1.நீ சுண்டியதில் 

பூ விழுந்தது 

கூடவே சில  பசுந்தளைகளும்

  

2. நீ சுண்டியதில் தலை மேல்

பூ விழுந்தது

பொம்மையின்குழந்தை

தன்னோடு வைத்து விளையாட

அதற்க்கு தலைசீவி உடை அணிவிக்க

மடியமர்த்தி சோறுஊட்ட

மிதி வண்டி பயணத்தில் பின்அமர்த்த

இறுகி அணைத்துறங்க

பிரியத்தில் முத்தமிட

கோபத்தில் வீசி எறிய

ஒரு குழந்தை இவ்வுலகில்

தன்னுடையது என்று சொந்தமாகிக்கொள்ளவிரும்பும்

ஒரு குழந்தைபொம்மையை  

செய்கிறான்பொம்மை தயாரிப்பவன்

அதில் தன் இறந்துபோன மகனின்

சாயலிருப்பதைக்கண்டு 

கண்ணீர் உகுக்கிறான்   

ரசனை

நுறு பிறைகள் கண்டவர் என்றார்கள்


கேட்க தோன்றியது

எப்போதாவது

ஒருநிறை நிலவை ரசித்ததுண்டா என்று

திடமானது ,

திடமானது


சுவையானது

மணமானது

மேலும் நிபந்தனைகளுடன் கூடியது

காதலி தருகிற முத்தம்

பூ விழுந்தது

நீ சுண்டியதில்


பூ விழுந்தது

கூடவே சில பசுந்தளைகளும்

கேட்கத் தோன்றியது

நூறு பிறைகள் கண்டவர் என்றார்கள்


எப்போதாவது

ஒருநிறை நிலாவை ரசித்ததுண்டா ?

கேட்கத் தோன்றியது.