பகிர்ந்த முத்தங்கள்

இன்று
உன் சாயல்
கொண்டவளோடு செல்கிறேன்

எனதுசாயலோடு
இருப்பவனுடன்
நீ இருக்கக் கூடும்

புலப்படாத தொலைவுகளில்
நாம்
பகிர்ந்து கொள்ளும்
சில முத்தங்கள்
நம் முத்தைஒத்திருக்கின்றன

அம் முத்தங்கள்
சற்று கூசுகின்றன எனக்கு.  
.
  (இம்மாதஉயிர்மை  இதழில் வெளியான எனது கவிதை)  .                 

உரையாடலின் சாம்பல்.

நமது உரையாடலுக்குநடுவே 
இருமீன்கள் 
நீந்தியபடியேஇருந்தன 

இடவலமாக ஒருபறவை
பறந்துபோனது

அந்தி மந்தாரையிலிருந்து
ஒருஇதழ்
தரைக்கு மிதந்துவருகிறது

இதுவரை
நான்கு தேன்நிற
தேநீர்க்கோப்பைவட்டங்களை
மேசையில் விட்டுச்சென்றிருந்தான்
டீக்கடைச்சிறுவன்

காலடியின்கீழ்
உதிர்ந்துகிடந்தன
நமதுஉரையாடலின் சாம்பல்.

(இம்மாதஉயிர்மை  இதழில் வெளியான எனது கவிதை) 

நீரின் வரைபடம்

   




 உணவு மேசையில்
சிந்திய நீரில்
வரைந்து காட்டிக்கொண்டிருகிறாய்
உனது வீட்டிற்கான
வழித்தடங்களை

விரல்கள்வரைந்துகொண்டிருந்த
கோடுகளின் பாதைகளில்
உனக்கு முன்னே
உன் வீட்டை அடைந்திருந்தது
சிந்திய அந்நீர்த்துளி  

(இம்மாதஉயிர்மை  இதழில் வெளியான எனது கவிதை) 

ரேகைகளை வாசிப்பவன்

 

விரிந்த 
உள்ளங்கையில் 
ரேகைகளின்தடங்களை உற்றுநோக்குகிறான் 

மேடுகளை நீவி
பள்ளங்களில் நிரப்புகிறான்

செடி வேர்கள் போல
கிளை பிரிந்து செல்லும்
ரேகைகளின் பாதைகளில்
ஒரு சிற்றெம்பைப்போல்
ஊர்கிறான்


அன்றாடச்சுமையோடு
உள்ளங்கைக்கதவைத்திறந்து
உள்ளே இருப்பவனிடம்
யாசிக்கிறான்
தன்
ஒரு கவளச்சோற்றுப்பசிக்கு