Thursday, June 30, 2011

சுய தனிமையாளன்.


கண்கள் மூடி,
காட்சிகள் தேடி 
பிணைந்து உருளும் உடல்களில்
ஒன்றை விலக்கி
தன்னுடல்  பொருத்தி 
இயங்கி கொண்டிருந்தான்
சுய தனிமையாளன்.
 




Monday, June 27, 2011

சிறுகவிதைகள்












ஆடிய தாண்டவம் ஒய்ந்து
பாதங்கள் சிவக்க,வலிக்க
நடனத்திலிருந்து
நடைக்கு மாறுகிறார்
நட ராசர்.


இதைதந்திபோல் பாவித்து
உடனே கிளம்பு என்றிந்தது
அப்பா அனுப்பியிருந்த
ஈமெயில்செய்தியில்.


நள்ளிரவில் கனவு வந்தது
சிறு இடைவேளைக்குப்பிறகு
மீண்டும்
தொடருமென்றது.

எப்படி நிகழந்தது என்று தெரியவில்லை.
தெரிந்த பிறகும் நிகழந்தது அது.

Monday, June 20, 2011

பிறந்த மண்








மணல் குன்றில்
விளையாடுகின்றன குழந்தைகள்.

மலை ஏற்ற வீரர்களைப்போல்
அதன் உச்சியில் ஏற
நெகிழ்ந்து மண் சரிய
சிரிக்கின்றன .

மணலில் மலை செய்து
அதில் குகைகளைக்குடைந்து
கூழாங்கற்களை வாசலுக்குப்பதிக்கின்றன

மணலில் சித்திரங்களை,பெயர்களை
வரைந்து அழிக்கின்றன.

மணலில் செடியை நட்டு
நீர் வார்க்கின்றன.

அதட்டும் அழை குரல் அவசரத்தில்
எழும் குழந்தைகளின் மடியிலிருந்து
கொட்டங்குச்சி  ஈரமண் இட்லிகள்
வீழந்து உடைகின்றன.


குழந்தைகளின் கால்களை
மணல் அலைகள் தழுவிக்கொள்கின்றன. 


வீடு மீளும் குழந்தைகளின் உடலில்
பிரிய மறுத்த மணற்த் துகள்கள்
பிறந்தமண்போல்  ஒட்டிக்கொள்கின்றன.








Wednesday, June 15, 2011

அகதி








யாருமற்றவெளியில்

மரங்கள்மண்ணிலிருந்து

இடம்பெயர்ந்துகொள்கின்றன.


நாளைமரத்திற்க்குஇலக்கமிட்டமனிதனும்

கூடுதேடிவரும்பறவைகளும்

மனம்பிறழக்கூடும்


வேர்களில்ஒட்டியிருந்த
பிறந்தமண்ணைஉதிர்த்தபடி

ஒருமரம்
ரகசியமாய்புலம்பெயருகிறது

எளிய சுடர்






எல்லோரும் புறக்கணித்த
எளிய சுடர்
காற்றுத துணைக்கு வந்ததும்
சட்டென்று பற்றிக்கொள்கிறது
எல்லோரையும்,


எல்லாவற்றையும்.

Thursday, June 2, 2011

பொய்யின்சித்திரம்







முடிவற்ற இரவு தொடங்குகிறது.

கிளர்வூட்டிய தனிமை
மறைவிடங்களைத் தேடுகிறது.

நன்நடத்தை
அவசரகதியில் பலவீனமடைகிறது.

தினருசி
ஒருபுதியஇரையை சுவைக்கிறது.

பிறகு
குற்றஉணர்ச்சியில் வெட்கித்தலைகுனிகிறது.

எல்லாம் சரிசெய்யப்பட்டுவிட்டவிடியலில்

ஜன்னலிருந்து கதவிற்க்கும்

கட்டிலிருந்து பின்வாசலுக்கும்

ஒரு பொய்யின்சித்திரத்தை வரைகிறது

Wednesday, June 1, 2011

நொடியழகு







பளிங்கு நீர்
 
சிலை நாரை

அழகு அலகு

உற்று உற்றுப்பார்க்கிறது.
சிறு நொடியில் இரையாகப்போகிற
செம்மீனொன்று.