மியாவ் இசை

பூனையின் மியாவ் இசை 
அறை முழுவதும் நிரம்புகிறது 
அதன் இசைக்கு மயங்கி 
எங்கோ 
ஒரு குவளைப் பால் 
பொங்கி வழிகின்றது.

ஈசல்களுக்கு.

இறந்து போகிற துயரங்கள் 
என்றுமிருந்ததில்லை. 
மீண்டும் மீண்டும் 
சுடரிடம் சொல்ல 
ஏதோ 
இருந்திருக்கின்றது ஈசல்களுக்கு.


  

கற்றுக்கொண்டது

சுடரிடம் நான் 
கற்றுக்கொண்டது 
அணையும் வரை தன் நடனத்தை 
வசீகரத்தில் வைத்து கொள்வது. 
மெழுகுவர்த்தியிடம் 
கற்றுக்கொண்டது
அணைகிற வரை
சுடரின் நடனத்திற்கு
உருகுவது.

நட்பு

துல்லியமாக 
வரைந்து கொண்டேன் உங்களை 
இனி
கச்சிதமாகக் கத்தரிக்க வேண்டும் 
அதன் அளவுகளை!

சுஜாதா விருது 2014- கவிதை

 இந்த வருட சுஜாதா விருது 2014- கவிதை
இறகுகளைச் சேமிக்கிறவன் பறவையாகிறான்
கவிதை
ஆசிரியர்: ரவி உதயன்
தேர்வுக் குழு: கலாப்ரியா, சுரேஷ்குமார இந்திரஜித், இந்திரன்
வெளியீடு: வம்சி பதிப்பகம்.