உங்கள் கைகளில்லை

அவர் கைகளில்லை
இவர்கைகளிலுமில்லை

உங்கள் கைகளில்லை

என்கைகளிலுமில்லை
 
பாசாங்குகள் போதும்
எவர் கைகளிலிருக்கிறது

இக் காற்றுப் பெருவெளியில் 

நாம் மூச்சுவிடுவதற்க்கான அனுமதி

மீள் பருவம்

சிறகுகள் உதிர்ந்த ஈசல்கள்
மறுபடியும்
புழு பருவத்தை எய்தி
மறிக்கின்றன

உன்னைப்போல் ஒன்று

 



அதைப் போலொரு
பறவையைப்  பலியிட்டு
படையலுடன்
பிரார்த்தனனகளுடன்
அண்ணாந்து வானம் நோக்கி
அழைத்த படியிருந்தான்.

 குறித்த நேரத்தில்
அவ்விடத்தைத்தினம்
வந்தடைகிற அது
அன்று வரவே இல்லை.

ஆளற்ற வானந்தரத்தில்
நாற்றமடிக்கத்தொடங்கியிருந்த
அவனை போலொரு
அழுகிய ஒன்றை
கொத்தி தின்று கொண்டிருந்தது அது .

காகிதத்தின் மீதுகடல்

சிறுமி காகிதத்தின் மீது

ஏழு கடலின் சித்திரத்தைத் தீட்டுகிறாள்

அதில்

ஏழு மீன்களை நீந்தவிடுகிறாள்

ஏழு மலைகளின் சித்திரத்தைத் தீட்டுகிறாள்

அதன் முகடுகளில்

ஏழு பஞ்சு மேகங்களை மிதக்கவிடுகிறாள்

ஏழு மேகங்கலிருந்து
சில மழை துளிகளை உதிர விடுகிறாள்

மழைத் துளிகள் விழுமிடத்தில்
ஒரு பூவின் சித்திரத்தைத் தீட்டுகிறாள்
அதனடியில்
தன் பெயரை எழுதுகிறாள்

இனி அவளை காண்பதென்றால்
ஏழு கடல்  ஏழு மலைளைத் தாண்டி
பயணிக்க வேண்டியிருக்கும் நமக்கு

அனுப்பிய செய்தி

இதைதந்திபோல்பாவித்து
உடனே கிளம்பு  என்றிந்தது
அப்பா அனுப்பியிருந்த

ஈமெயில்செய்தியில்

ஒரேஆற்றில் இருமுறை.

ஒரே ஆற்றில்
இரு முறை இறங்கினேன்!
ஒரு முறை ஆற்றில்

நீர் ஓடிக்கொண்டிருந்தது,
இன்னொருமுறை

ஆற்றுமணலில் இறங்கி
நான்ஓடிக்கொண்டிருந்தேன்.