ரசிகக்குழந்தை

                                               

சுட்டுவிரல் எச்சரிக்கைக்காட்டி

விழிகளை உருட்டிக்காட்டி

நாக்கை மடித்துக்காட்டி

பலனேதுமில்லை

கதகளிநடனம் கண்டகளிப்பில்

சிரிக்கிறது ஒருரசிகக்குழந்தை
thadagham.com
தடாகம்.காமில் வெளியானது

                                               

அம்மலருக்கு


இரண்டு கால்கள்

ஓயாது நட்னமிடுகிறது

காற்றின் இசைக்கு                                                                      

ஒரு இடம் காலியாயிருக்கிறது

.









யாருமற்ற வீட்டில்

விழுந்து புரள்கிறது
செய்தியை வாசிக்கச் சொல்லி
ஒரு கடிதம்


யாருமற்ற தெருவில்
கிடந்து மின்னுகிறது
மர்ம அறையைத் திறக்கச்சொல்லி
ஒரு கள்ளச்சாவி


யாருமற்ற அறையில்
மன்றாடுகிறது
மதுக்கோப்பையாய் மாற்றச்சொல்லி
ஒரு தேநீர்க்குவனள
.

யாருமற்ற நள்ளிரவு பேரமைதியில்
புணரச்சொல்லி கிளர்வூட்டுகிறது
மெல்லிய தாழை மணம்

யாருமற்ற வெளியில்
எல்லோருக்கும்

ஒரு இடம் காலியாயிருக்கிறது

உயிர்மையில்வெளியான கவிதை

இல்லாதாது

  நெடுங்காலமாகியும்

அன்புள்ள என்று

கடிதமெழுத ஆரம்பிக்கும் நாம்

சில விசயங்களைதெளிவுபடுத்திகொள்ளலாம்

அன்பு இல்லாதவற்க்கே

அதை எழுதுகிறோம்

நம்மிடம் அது இருப்பதுபோல்

பாவித்துக் கொள்கிறோம்

அது இருப்பதால் தான்

இந்தபூமி இன்னும்இயங்குதுவதுபோல்

சொற்களால் நிர்மாணிக்க முயலுகிறோம்

thadagam.com வெளியானது

தனக்கு தரவந்ததுபோல்

தாயின்கன்னத்திற்க்கு

இட்டுத் திரும்புகிற

தந்தையின் முத்தத்தைக்கண்டு

களிகொள்கிறது கைக்குழந்தை
thadagam.com வெளியானது





          

தாவலின் கடைசித் தருணம்


மிதிபட்டு இறந்துபோன

குஞ்சுத்தவளையின் முகத்திலிருந்தது

ஒருகுழந்தையின்புன்னகை

 நீரினுள் மூச்சுத்திணறி            

இறந்தது போல்நிலைகுத்தியகண்கள்

வாய்பிளந்துகாற்றைப்புசித்தபடி

கடைவீதிக்குவந்துவிடுகின்றன

சிக்கியமீன்கள்

பெட்டி, பெட்டியாக

கடந்து மறைகிறது

                    என் கைப்பெட்டி தொலைந்த
ரயில்வண்டி

இடப்படாத முத்தம்

                                                யாரும் அறியாது

                                                எவர் நிழல்மீதும் படாது
                                                 நுனிக்கால் ஊன்றி
                                                  பதுங்கிப்பதுங்கி
                                                   கள்ளக்காற்றைப்போல்
                                                  உதடுகளின் மிகஅருகே
                                                   கொண்டு சென்றேன்
                                                      இலேசாகநடுங்குகிறது
                                                     முத்தம்