கடைச் சொல்

கிளையிலிருந்து
தரைக்குவீழ்கிற
இலையைப்போன்று
ஒரு கணித நுட்பம்

தவிப்பு மனிதர்களின்
தந்திர வழி என்கிறார்கள் ?

 தீர வலிக்குச்செய்து கொள்ளும்
நித்தியப்பணிவிடை என்கிறார்கள் ?

 காதல் ஜோடிகளின்
கைகளிலிருக்கிற
கடைசி துருப்புச்சீட்டுஎன்கிறார்கள் ?

 போதுமானதொரு
வாழ்விலிருந்து
 மீளும் சுய விலகல் என்கிறான் ஞானி!

ஒருவேளை
 துடித்தடங்கும் இக்கயிற்றை
அறுத்து
 நீங்கள்தரையிறக்குகையில்

 உடைந்த
 குரல்வளையில்
எஞ்சியிருக்கலாம்
 என் தற்கொலைக்கான
கடைசிச்சொல்.





    

யுகங்கள் கடந்து

முகர்ந்து முகர்ந்து
நாய்க் குட்டியொன்று
என்வீடு வரை
வந்து விட்டது.


யுகங்கள் கடந்த அன்பின்
புரியாத ரகசியத்தின்முன்


தளும்பி நின்ற
பேரமைதி கணமிது


(நவீன விருட்சத்தில் வெளியான கவிதை