அறைநகரும் பாடல்கள்
தாளிடும் சத்தம்
உடை கலைந்தநிர்வாண அமைதி
அயர்ச்சி
ஆசுவாசிக்கும் சிறு முச்சு
தொடங்கும் நீராடல்
நனைய துவங்குகையில்
சில்லிடும் சிலிர்ப்பு
சிறு நடுக்கத்துடன்
மெலிதான படலொன்றைத்தொடங்கும்.
கதவடியில் தெறிக்கும்
நீர்த்திவளைகளின் சங்கீதம்
நனைந்தபாடல் கரைந்து வழியும்
நீர்வரிகள் வழிந்தோடி சலசலக்கும்
நாசி நீளும் சந்திரிகை
நறுமணத்தோடு மெல்லக்கதவு திறந்து
கூந்தல் நுனிநீர் சொட்டச்சொட்ட
நனைந்த மஞ்சள் பாதங்களிரண்டு
குளியலறைப் பாடலை
இன்னொரு அறைக்குநகர்த்தும்.
2 comments:
/// நனைந்தபாடல் கரைந்து வழியும்
நீர்வரிகள் வழிந்தோடி சலசலக்கும் ///
ரசித்தேன்... தொடர வாழ்த்துக்கள்...
உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...
மேலும் விவரங்களுக்கு இங்கே (http://blogintamil.blogspot.in/2013/12/blog-post_31.html) சென்று பார்க்கவும்... நன்றி...
Post a Comment